|
Malugiuk atorfimmut allagarsiissutaasumut matumunnga piffissaliussaq naareerpoq! Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.Meeqqanut Inuusuttunullu Naalakkersuisoqarfimmi AC-fuldm忙gtig imaluunniit immikkut siunnersorti
Namminersorlutik Oqartussat
Nuuk
Ikkunneqarpoq: 31-01-2024
Piffissaq atuuffissaa naassaaq: 22-02-2024
Suliffissamut ID normut: LJA-85295530
Atorfeqarnermi atugassarititaasut: Tamakkiisoq
Suliassaqarfik: Allat
Kalaallit Nunaanni meeqqanut inuusuttunullu isumaginninnikkut atugarliortunut pissutsinik pitsaanerulersitseqataarusuppit?Ukiuni kingullerni Kalaallit Nunaanni isumaginninnermut suliassaqarfiup kivnneqarnissaa annertuumik ukkatarineqarsimavoq. Pineqartut ilaatigut tassaapput meeqqanut kinguaassiutitigut kannguttaatsuliornerit, inuuniarnikkut atugaliornerit pitsaaliornissaat, inuit innarluutillit pisinnaatitaaffiisa pitsaanerunissaannut qulakkeerinninneq kisalu meeqqqanut inersimasunullu inuuniarnermikkut atugaliortunut katsorsaanissanut ilisimasalinnik neqeroorutteqarnerit.Suliaq suli ingerlavoq. Aaqqitassanik pingaarutilinnik suliassarpassuaqarpugut tassungalu sulisut amerlanerusut atorfissaqartippavut. Meeqqanut Inuusuttunullu Naalakkersuisoqarfimmi AC-fuldmægtigitut imaluunniit immikkut siunnersortitut soqutiginnikkuit atorfik immaqa ilinnoortuuvoq. Immikkut siunnersortit imaluunniit siunnersortaanertut atorfinitsitaaneq eqqortunik uppernarsarneqarsinnaasunik piginnaaneqarneq piumasarineqarpoq.Immikkut siunnersortitut imaluunniit siunnersortaanertut atorfinitsinneqarnissamut, eqqortunik uppernarsarneqarsinnaasunik piginnaasaqarneq piumasaqaataavoq.Meeqqanut Inuusuttunullu Naalakkersuisoqarfimmi suliassaqarfimmut tunngasut politikikkut anguniakkat piviusunngortinnissaat suliarisarpavut, tassani ilaapput suli atualinngitsut (meeqqat 0-6 ukiullit), meeqqat inuusuttullu atugarliortut, pitsaaliuineqaamma innarluuteqarneq. Suliassaqarfimmi politikikkut anguniakkat pingaarnerit ilaatigut tassaapput meeqqanut inuusuttunullu atugarliortunut aamma inunnut innarluutilinnut pissutsit patajaallisaffiginissaat.Atorfik pilluguSuliassat ilaatigut ilaqarput: Naalakkersuisunut isummernissamut tunngavissianik, ajornartorsiutit pillugit allakkianik, § 37 naapertorlugu apeqqutit akineqartarnissaannik allanillu suliaqarneq Politikikkut aqutsisut aalajangiussassaannut tunngavissat suliarineqarnerisa pitsaassusaannik qulakkeerinninneq kiisalu politikikkut aalajangiussanik atuutilersitsineq Naalakkersuisoqarfiup suliassaqarfiani suliassat assigiinngiiaartut akimorlugit suliassanik suliaqarnermi peqataaneq isumaginninnerlu Pingaarnertut meeqqat pillugit politikikkut aalajangikkanik suliniutinik, periusissianik, suliniutinik misissukkanilu ineriartortitsineq aqutsinerlu Naalakkersuisoqarfiup suliassaqarfiani suliniaqatigiissitanut atatillugu suliassanik ataqatigiissaariffiusuni peqataaneq isumaginninnerlu Naalakkersuisoqarfiup suliassaqarfiata iluani isumaginninnermut politikikkut suliniutinik atortussanngortitsineq Paasissutissanik suliaqarnermik ineriartortitsineq ingerlatsinerlu Misissueqqissaarnermut nalunaarusianillu suleqataalluni, ass. EU-mk ilinniartitaanermut tunngasunik suleqatigiinnissamik isumaqatigiissummut tunngatillugu Suliassat tamatigoortuupput aammalu suliassaqarfiit assigiinngitsut ataatsimoorlutik suleqatigiinnermi ilaasinnaanissaq, kiisalu nammineq suliassanut suliniutinullu namminersorluni akisussaaffeqarsinnaaneq piumasaqaataapput. Suliassanut nutaanut sukkasuumik paasinnissinnaanermik tamatigoortuunissamillu atorfik piumasaqaatitaqarpoq kiisalu aaqqissuussaaffiusumi naammagisimaarinnissinnaaneq tassani suliassat minnerit angisuullu paarlakaaffianni ulluinnarni ilaatigut ulapaarfiusartumi.Taamaattumik suleqatigiinnissamik soqutiginninnissat iluaqutaassaaq. Aaqqissugaanermik naalakkersuinikkut aqunneqartumik suliaqarnissamut soqutiginnittuussaatit, tassanilu ilaatigut assut ulapinnartarluni tunniussinissanullu piffissaliussat sivikitsuusarlutik. Iluaqutaassaaq allattariarsornikkut oqalunnikkullu ingerlatitsillaqqissuuguit ataqatigiinnernillu paasiuminaatsunik paasiniaallaqqissuullutit.Illit pillutit Kandidatitut qaffasissusilimmik naleqquttumik ilisimatusarsimassa Isumaginninnermut tunngasunik atuagarsornikkut sulinikkullu ilisimasaqarnissaq kissaatiginarpoq, piumasaqaataanngilarli Suliniummik suliamillu ingerlatsernermut suliaqarnermik misilittagalik suliniutinik aqutsinermik aamma misilittagaqarneq Namminersorluni aaqqissuulluakkamik anguniakkamillu sulisinnaasoq ineriartortitserusuttorlu Naatsorsueqqissaarnernut paasissutissanullu paasisimasaqarluartoq Allattariarsornikkut oqaatsitigullu atassuteqallaqqissoq Paasissutissiissutinut ajornakusoortunut amerlaqisunullu tamakkiisumik isiginnissinnaasoq Suleqatinik avataanilu soqutigisalinnik suleqateqallaqqissoq Kalaallit Nunaanni inuiaqatigiinni pissutsit aamma kulturi ilisimasaqarfigigukkit iluaqutaassaaq Ajornanngippat marluinnik oqaasilik, kisianni piumasaqaataanngilaq. Meeqqanut Inuusuttullunullu Naalakkersuisoqarfik pillugu Meeqqanut Inuusuttunullu Naalakkersuisoqarfimmi suleqatigiit 15-it missaaniippugut. Tamatuma saniatigut Tamatuma saniatigut naalakkersuisoqarfiup ataani immikkoortortaqarpoq, Isumaginninnermut Aqutsisoqarfik.Qinnuteqarneq Qinnuteqarnissamut killigititaq tassaavoq ulloq 22 februar 2024.Ulloq sulilerfissaq 1. marts 2023 imaluunniit isumaqatigiissuteqarnikkut.Paasissutissat sukumiinerusutAtorfiit pillugit paasisaqarnerorusukkuit ukua attaveqarfiginissaannut tikilluaqquneqarputit immikkoortortaqarfimmi pisortaq Kista Isaksen e-mail [email protected] imaluunniit oqarasuaat +299 34 65 82.Meeqqanut, Inuusuttunut Ilaqutariinnullu Naalakkersuisoqarfik pillugu paasisaqarnerorusukkuit uagut pilluta paasissutissat amerlanerusut ugguuna pissarsiarisinnaavatit www.naalakkersuisut.gl.Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. E-mail-ikkut qinnuteqaatinik tigusineq ajorpugut.Aningaasarsiatigut atorfinitsitaanermilu atugassarititaasutAkissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.NajugaqAtorfimmut atatillugu malittarisassat qaqugukkulluunniit atuuttut naapertorlugit sulisunut sulisunut marlunnik initalimmik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
|