广州系海洋性季性气候，所以夏天落雨系经常性既事，另外广州除左河北北京路以北同东山系坡地之外，其他地方都系冲积平原，地势低洼，一旦雨季大雨到黎就会排唔切，所以经常发生水浸街既现象。前边两句系广州城既真实写照。之但系后边几句其实都系一种生活写照，一般黎讲，城系唔应该甘易水浸街既，所以一讲到落雨大水浸街，...就系一种反差。后边几句都系反差，唔一定前边两句就系后四句既场景，但系，同样用反差既方式：阿哥同呢个阿嫂唔系泛指既两公婆。响广州，旧阵时都叫果D后生仔叫哥仔，哥哥仔，隔离邻舍既媳妇叫阿嫂。呢度既场景系：穷人既哥哥仔挥汗如雨担柴去街卖，有钱人家既新抱就着住靓鞋靓衫去行街，即系所谓既穿鞋踏袜、身光颈靓。靓成点？花鞋花袜花腰带，珍珠蝴蝶两边排。几句词唯一有联系既就系反衬。