仲有無人屋企有呢啲新年習俗呢？. 點解我屋企乜都無⋯⋯ |
您所在的位置：网站首页 › 屋企人 › 仲有無人屋企有呢啲新年習俗呢？. 點解我屋企乜都無⋯⋯ |
仲有無人屋企有呢啲新年習俗呢？. 點解我屋企乜都無⋯⋯
仲有無人屋企有呢啲新年習俗呢？點解我屋企乜都無咁⋯⋯  貝星人 ·Follow Published inChez moi, c’est la B ·12 min read·Feb 12, 2021-- 咁就大年初一，不論條街定屋企都勁無新年氣氛，但 Any肥，都祝大家﹕ 新年快樂！牛年無武肺！人人有自由！ 喺我屋企，隨住人越嚟越大，同埋家族入面各個家庭各散東西，同一地點嘅親戚人丁變得單薄兼疏離，新年唔新年都係咁上下。有工返時就最期待幾日紅日大假抖下、玩下，而家無工返，放唔放假都無感。除咗仲有少少利是收，新年嘅習俗好似同我無乜關咁。 大家屋企仲有無過啲新年習俗？ 年廿八，洗邋遢細個時屋企都仲有玩下「年廿八，洗邋遢」呢樣嘢，除咗係一般拖地、抹塵之外，呢一日仲會洗一啲全年都無乜點清潔過嘅地方，譬如係抽氣扇、冷氣隔塵網、爐頭灶罅、鐵閘、公屋獨有（？）嘅百葉窗等等。 而家屋企已完全無咗呢個習俗，好似都係平日每星期執下屋就算，但其實我個人覺得年廿八執餐勁嘅，然後乾乾淨淨過新年都幾好（但唔使我做先係最好），但今年無啦，日日都係執嘢準備搬屋清場，場面依一片混亂，但都少咗好多嘢喇。 懶人大掃除當年會好乖咁爭住洗鐵閘，一張摺櫈、一桶水、一塊巾，洗到桶水黑晒就好有滿足感。爭住洗鐵閘其實心底裡另一個原因係偷懶，鐵閘大大地咁，又要擒高擒低都有排抹，搞咁耐，等得我洗完個鐵閘，其他家務都做得七七八八，唔使我幫手XD年三十晚年三十晚好似好忙咁，又要食團年飯，又要行花巿，又要賣懶，又要壓歲錢⋯⋯ 食團年飯細個好多時年三十晚我都唔喺香港，成個家族會去晒我二伯父喺深圳西鄉屋企住幾日一齊過年，最遲一定年三十晚會齊人食團年飯，所以餐團年飯係三代同堂（後尾四代），都有十幾廿人。我好鍾意咁大班屋企人坐埋一齊好熱鬧好團圓嘅氣氛，而家太冷清喇。 細個返大陸過新年我個家族人口最頂盛之時，分佈香港、廣州、深圳幾個地方。因為以前無「自由行」，如果有親戚喺大陸，咁一定係住香港嘅返去探佢哋方便啲，所以我哋年年新年都會去西鄉一齊過新年。當時嚟講，返大陸過新年真係好有氣氛，又可以燒爆仗。而家，不了。以前都幾多人新年返大陸過新年，可能好多香港人都有親人喺大陸？每逢呢啲時節，羅湖同深圳關口嗰個「蛇餅」係好恐怖嘅，啲人多到呢⋯⋯「春運」真係好鬼多人！作為獨生女，平日無乜人同我玩，所以返大陸做節令我最開心就係可以同我個堂細佬一齊住、一齊玩幾日，兩姐弟日日夜夜糖黐豆咁。（其實我哋仲有個堂阿哥同表妹，不過我哋兩姐弟感情特別好，無乜理佢哋，好鬼衰X… |
【本文地址】