问：咏春宗师阮奇山有一个绰号“佛山阮老揸”，点解叫“老揸”啊？

答：有人话阮奇山擅长揸、缉、跌、放，所以就叫“阮老揸”，其实并唔系因为咁。喺旧广府话里面，“揸”系“五”嘅代称，一只手五只手指“揸”起身，就系五。阮奇山喺屋企兄弟姐妹里面排行第五，所以就被人称为“阮老揸”。

问：广东话成日讲“点收科”，即系“点算”咁解，究竟“收科”系点嚟呢？

答：戏剧中段，通常会安排一个丑角出嚟插科打诨，当丑角戏份结束（编剧会喺剧本上面标明“收科”呢个舞台指示词），会安排另一个角色出场，结束呢段“插科打诨”。后来“收科”传入粤语方言里面，就引申为“收拾混乱场面”嘅意思。

问：“食玻璃大”系唔系话人好大胆嘅意思？

答：“食玻璃大”并唔系话人好大胆嘅意思，因为玻璃系透明嘅，话人“食玻璃大”即系话呢个人系透明嘅。例如你睇电视嘅时候有个人企喺你前面，挡住你，你就可以话佢“你估你真系食玻璃大噶”，如果觉得唔够力，仲可以补多句“信唔信唔喂你食玻璃吖嗱！”。

来源：《随身应急情景粤语》、羊城网gznf.net返回搜狐，查看更多