ཁ་བ་རྩོམ་ཐུང་གླིང་གི་“ས་མཐའ་བ་”ཞེས་པའི་སྙན་རྩོམ་ལྷན་བསྡུས། |
您所在的位置:网站首页 › us和american › ཁ་བ་རྩོམ་ཐུང་གླིང་གི་“ས་མཐའ་བ་”ཞེས་པའི་སྙན་རྩོམ་ལྷན་བསྡུས། |
༡》 ས་མཐའ་བ། _________________ མཚོ་གཡུ་སྙུག་ནས།། དབྱར་གྱི་སྤང་ལྗོངས་ཐོག་གི་མེ་ཏོག་དང་མཚུངས་པའི།། བཅུ་དྲུག་ལང་ཚོ་མཛེས་པའི་གྲྭ་རྐྱང་ངའི་ལས་དབང་།། ད་ལྟ་སུ་ཡིས་མཐོང་ན་ཨ་ཙ་མར་འདོད་ཀྱང་།། རྗེས་སུ་འགྱུར་མེད་ཡིན་ན་འདི་ཅི་འདྲ་ཞིག་མཛེས་ཨང་།། རྒྱུས་མེད་ས་མཐའི་ཡུལ་གྱི་གྲྭ་རྐྱང་ངའི་སྐྱོ་གདུང་།། ལས་དབང་བཙན་པོས་རང་ལ་གནང་བ་ཞིག་ཡིན་ནམ།། མིན་ན་གྲྭ་རྐྱང་ང་ལ་འདི་འདྲ་ཅིག་དཀའ་ལས།། ཡིན་ན་རྗེས་སུ་རང་ལ་བདེ་སྐྱིད་ཞིག་ཡོད་ངེས་༎ དགའ་སྡུག་རེས་མོས་ཡིན་པའི་ངན་ངོན་ཀྱི་འཚོ་བ།། གང་དུ་སོང་ཀྱང་རང་ལ་འབྲལ་ཐབས་དེ་བྲལ་བའི།། ཁོ་བོ་རྒྱང་ལ་བསྐྱོད་པའི་བསམ་བློ་ཞིག་ཡོད་ཀྱང་།། ནམ་ཡང་བསྐྱོད་ཐབས་བྲལ་བའི་ན་ཟུགའདི་ལྕི་བ།། ༢》ས་མཐའ་བ། ________________ ཚངས་ཐིག་གིས། འཇིག་རྟེན་རྣག་ཁྲག་འཁྱིལ་བའི་སྲིད་འོག་ཏུ་ཉུལ་བའི།། སྡུག་གི་མནར་གཅོད་གཏོང་བའི་མགོན་མེད་ཀྱི་ཉམ་ཆུང།། སྔ་འདང་ཕྱི་འདང་རྒྱབ་བཞིན་ཉིན་ཞག་གི་རིང་ལ།། བརྩེ་ཞེན་མེད་པར་སྡུག་གི་འཁོར་བ་ལ་ལོག་སོང།། ཉོན་མོངས་དུག་རླུང་ནག་པོ་འཚུབས་སྒྲ་དེ་ཆེ་གི།། གཅོད་པའི་ཤེས་རབ་དེ་ནི་བདག་རྒྱུད་ལ་དབེན་པའི།། རྣམ་རྟོག་བར་ཆོད་དྲག་པོའི་ལྡོང་ཕྱོགས་ཀྱི་འོག་ནས།། ཉེར་གཅིག་ལེགས་པའི་ལམ་བཟང་འཚོ་བ་དེ་དཀའ་གི། དགའ་སྡུག་སྟོང་གི་བསྐྲུན་པའི་ལས་དབང་གི་མཐའ་ལ།། བདེན་དོན་འཇིག་རྟེན་ཕན་བདེ་ལམ་ཕྱོགས་ལ་བསྐྱལ་གྱིས།། དྲི་མེད་དྭངས་གཙང་བདག་གི་བེམ་གཟུགས་འདིའི་ལང་འཚོ།། དམར་སེའི་ངུར་སྨྲིག་རྒྱན་པ་ཨེ་མ་ཡི་རྨད་སོང།། ༣》 ས་མཐའ་བ། _______________ ཁ་བ་གཡུ་སྨྱུག་གིས། ལེ་བར་བརྒྱ་སྟོང་མང་པོའི་རི་བོ་ཡི་ཕར་རྒྱབ། ། ཤེས་བྱ་རིག་པའི་ལམ་ལ་གོམ་ཁ་དེ་ཕྱོགས་ནས། ། དཀའ་སྡུག་ཐང་ཆེན་འགྲིམས་པའི་རྟ་ཕོ་དེ་ཞོན་མཁན། ། དམར་ཆུང་སྙིང་དང་འདྲ་བའི་གྲོཊ་མཆོག་དེ་བསྟོད་འོས། ། ཁ་མཚར་དགོད་སྒྲ་རྩེད་མོའི་དབྱངས་རྟ་ལ་ཆགས་ནས། ། མི་ཆེ་མི་ཆུང་ཤག་ཆུང་གྲུ་བཞི་འདིའི་ནང་ལ། ། ལོ་མང་རིང་ལ་སྐྱིད་སྡུག་འཚོ་བ་དེ་རོལ་བའི། ། ས་མཐའི་གཟུཊ་རིས་ཡ་ཁོག་སེམས་གསེང་ལ་ཤར་བྱུང་། ། ལུས་ཀྱི་བརྗིད་ཉམས་ཡིད་དབང་མཁའ་དབྱིངས་ཀྱི་ལྷ་སྲས། ། ངག་གི་སྨྲ་བརྗོད་འགག་མེད་དབྱངས་ཅན་མའི་པི་ཝང་། ། ཡིད་ཀྱི་བྱམས་སེམས་ཐུགས་བརྩེ་འགྲོ་བ་ལ་ཁྱབ་པའི། ། འགྱུད་མེད་གྲོགས་པོའི་མིང་དུ་ས༷་མཐ༷འ་བ༷་འབོད་དོ། །
༤》ས་མཐའ་བ། _______________ཁ་བ་གདོན་སྨྱུག་པས། སྲིད་པའི་དྲག་རླུང་འཚུབས་མའི་དགའ་སྐྱོ་ཡི་ཀློང་ནས།། ལྭ་དམར་གྱོན་པའི་འབྲས་བུ་མཐར་ཐུགས་དེ་ཐོབ་རུང་།། དགའ་ལོའི་འཛུམ་མདངས་གསོན་པོས་རྨ་ཁ་ཞིག་བཟོས་པའི།། རྒྱུས་མེད་ས་མཐར་འཁྱམས་པའི་མི་བུ་ང་སྐྱོ་བྱུང་།། གནའ་བོའི་རི་གྲོངས་འདི་ནས་ཕྱི་མིག་ཞིག་འཕེན་སྐབས་།། རྨི་ལམ་འཁྲུག་པའི་ལོ་ཟླ་རིང་མོ་དག་དྲན་གི། གཅེས་ལོའི་བཤད་པའི་སྙིང་གཏམ་མངར་མོ་ཞིག་ཐོས་དུས།། དུང་བརྩེས་མནར་བའི་གདོན་འདྲེ་སྐྱོ་སྣང་འདི་ཆེ་གི། ཀུན་རྫོབ་སྒྱུ་མའི་སྣང་བ་ཡ་ཁོག་ལ་སྤུངས་བཞིན།། གཅེས་ལོས་དམ་བཅའི་རི་མོ་བདེན་དངོས་སུ་བསྒྲུབ་ཞོར།། གྱེས་བྲལ་ན་ཟུག་ལྕི་མོའི་དབང་མེད་དུ་མནར་བའི།། གྲལ་མགོའི་གྲས་ཚུད་མེད་པའི་གླེན་པ་ང་སུན་གི།
༥》ས་མཐའ་བ། __________________ ཆབ་འཛུམ་སྨྱུག བདག་ནི་འདབས་ལྡན་བཅུ་དྲུག་ལང་ཚོའི་མེ་ཏོག་ཏེ།། གྱོན་པའི་ངུག་སྨྲིག་དམར་པོ་མི་ལྷོད་ཟབ་ཡང་ལྡེམ།། ཆུ་རྐྱང་ཙམ་རྐྱང་བརྟེན་པའི་སྨྱུག་འཛིན་བརྗིད་ཞིང་ཟབ།། མི་ཚེ་འདིར་ལ་མི་འགྱུར་མྱི་བུ་མགོ་རིལ་ཡིན།། རང་ཁྱིམ་ཕྲག་ནས་བོར་པའི་སྦྲང་ཆར་བསིལ་མ་སྟེ།། རི་ལུང་དུ་མའི་བར་ཐག་བཅད་པའི་སློབ་གཉེར་བ།། མི་ཤེས་རྨོངས་པའི་ཁྲོད་ནས་སྐབས་རེ་མིག་ཆུར་བཞུར།། མཚམས་རེ་ཉིད་ཀྱི་ཕུག་འདུན་ཁྱོད་ལ་སྟེར་འདོད་ཡོད།། རྒྱང་དུ་ཅེར་བའི་ཁེར་རྐྱང་ཁེར་འགྲོའི་མི་ཚེ་དེ།། ཧ་ཧ་ཧེ་ཧེའི་དགོད་སྒྲའི་བྱ་བཞགས་གཙང་ཞིང་ལེགས།། སྙན་ངག་ཚིག་གི་མེ་ཏོག་འཐུ་བའི་ཆབ་འཛུམ་སྨྱུག། རང་ཉིད་མི་ཚེ་འཛུམ་གྱི་བསུ་བའི་ས་མཐའ་བ།། ༦》ས་མཐའ་བ། ______________________གནམ་རྒན་མས། འཇིག་རྟེན་དགའ་སྐྱོ་འདྲེས་མའི་བཀོད་སྒྲིག་གི་འོག་དུ། ། སྐྱིད་སྡུག་ཁྲི་མ་འབུམ་གྱི་མྱོང་བ་ཡི་ཁྲོད་ནས། ། ལོ་ཟླ་ཞག་གྲངས་གཡེང་བའི་ས་མཐའ་ཡི་བུ་ང་། ། དགའ་སྐྱོ་ཟུང་འབྲེལ་མ་ཡི་སློབ་གླིང་དུ་ཐོན་ཡོད། །
སེམས་གསོ་མེད་པའི་ལོ་ཟླ་གྲངས་མང་གི་ཁྲོད་དུ། ། འདོད་པ་མེད་པའི་དམར་སེར་ངུ་སྨྲིག་གིས་གཡོག་སོང་། ། མ་ཉན་ཁ་ཡོད་གླེང་བའི་གནས་ཚུལ་དེ་མཚར་གི། འབྱུང་བཞི་མ་དོར་བར་དུ་འདི་འདྲ་ཞིག་ཡིན་ནམ།། ཕྱི་ནང་གཉིས་ཀ་བཙུན་པའི་གྲལ་ཚོགས་དུ་བསྡད་ན།། ཨ་ཆོས་མ་ཡིས་ཐར་པའི་གོ་འཕང་ཡང་གཏང་ཟེར།། ཁོ་བོའི་རྒྱུད་ལ་བྱ་སྤྱོད་ངན་པ་ཞིག་ལྡན་ནས།། ལུས་ཕུང་དམར་སེར་ཟེར་བ་རིན་མེད་དུ་དོར་སོང་།། ༧》ས་མཐའ་བ། _________________ ཁ་བ་རྗེས་ལྷག་གིས། འཆད་རྩོད་རྩོམ་གསུམ་བྱ་བའི་དུག་ལྔ་ཡིས་ཁ་རླངས།། བཤད་ཚད་བདེན་པར་འཛིན་པའི་སོ་སྐྱེ་ཡི་ལྟ་བ།། བདེན་རྫུན་གནས་ལུགས་བདར་བའི་མཐར་ཐུག་གི་འབྲས་བུ།། ཟད་མེད་འཁོར་བའི་གནས་ལས་ཐར་ཐབས་ཤིག་མ་བྱུང་།། གནས་མཆོག་བོན་རིའི་རྩེ་ནས་ཀི་སྒྲ་ཞིག་བཏབ་སྟེ།། མི་བརྗེད་གཟུངས་དང་ལྡན་པའི་རླུང་རྟ་ཞིག་གཏོར་ནས།། དབལ་ཆེན་གེ་ཁོད་མཆོག་ལ་སྨོན་ལམ་ཞིག་འདེེབས་བཞིན།། ས་མཐའི་གྲྭ་རྐྱང་ང་ཡི་མདུན་ལམ་འདི་བཅོལ་བཞག། དམར་གསེར་ངུར་སྨྲིག་གྱོན་ནས་འཆལ་གཏམ་ཞིག་ལབ་སྟེ།། དགེ་བའི་ལམ་ཁྲིད་ཡིན་པའི་ང་བོ་ཞིག་སྐྱེ་ཀྱང་།། རང་ངོ་རང་གི་མི་ཤེས་ཡིན་སྣང་གི་མགོ་བོ།། ད་ནས་གཏན་དུ་རས་གཟན་དམར་པོ་འདིས་བཏུམ་འགྲོ།།
|
CopyRight 2018-2019 办公设备维修网 版权所有 豫ICP备15022753号-3 |