会与BOYZ合体开红馆

之后仲由Twins将整晚演唱会推到高潮

Twins和BOYZ合唱已经是15年前嘅事

宜家再度系台上合唱经典金曲《死性不改》

真系不单止令到粉丝睇到眼湿湿

就连首歌嘅经典过场独白都要背晒出嚟

早前都有网友笑言

唔知BOYZ开演唱会

到底会唱多少次《死性不改》

甚至全晚都会唱晒唔同版本

如果真系甘，小编相信粉丝都非常愿意洗耳恭听

四位老友重聚于舞台上，当然都少不了笑料

阿Sa不断捉住Kenny嘅年纪讲

“Kenny真系大过晒我哋咯！”

点知被鬼马Steven反将一军

“佢个胸肌依家就真系大过晒我哋喇！”

阿Sa瞬间唔知讲乜

“唉，胸肌嗰啲野唔好讲喇！”

台下啲fans笑到合唔埋口

不过俗语都有话，有笑又有喊先系真朋友

阿Sa同阿娇睇住BOYZ两个人

系台上唱已经忍唔住喊

上到台时，阿Sa讲起四个人友谊时

再次忍唔住流下眼泪

“佢哋(BOYZ)系我地识左一世嘅朋友嚟㗎！依家讲起都有啲起鸡皮……今晚见到你咃真系好开心呀，好老怀安慰呀！”

到最后，BOYZ处男演唱会最大功劳人轩仔上台

三个人在台上互相感谢

最后仲舍不得搏命飞吻

讲起BOYZ，系几多8090们回忆

2003年张致恒和关智斌组成BOYZ

并打着“男版Twins”的旗号正式进军娱乐圈

在同年4月就推出首张EP《LaLa世界》

可见二人当初在无线也是比好多高层看重

随后8月同10月就分别推出第二、三张EP

仲参演电影《古宅心慌慌》、电视剧《功夫足球》

仅仅出道一年，就获得2003年度

《叱咤乐坛流行榜颁奖礼》获得叱咤乐坛新力军组合（金奖）

接着落嚟2004年，BOYZ的事业发展都比较顺利

系电影《大无畏》中二人首次挑起大梁，做男主

又发表左一首代表曲目《眼红馆》

客串了电影《新警察故事》和《鬼马狂想曲》

到左2005年，BOYZ就宣布解散

关智斌Kenny因个人发展规划离开组合

不过原来BOYZ二人自爆事前是不知情

Kenny话果时佢地去左广州拍广告

见到报纸见先知经理人霍汶希（Mani）承认拆伙

当时两个人都非常愕然

好多人叹息，好多人无奈

所以在2006年

麦子豪Dennis、张致恒Steven同陈伟霆

组成一个新的组合：SUN BOY'Z

虽然有一个新的男子组合，但系观众点会收货

新BOYZ的关注度再不如从前

到了2008年，麦子豪及陈伟霆又退出BOYZ

直到2010年，Steven宣布

重新同Kenny重组BOYZ

虽然两个人大男孩重组BOYZ

但系二人都有各自的工作，分开发展个人事业

而在2016年阵时

Steven就被爆出「偷」食丑闻

背着自己女友庄端儿（Xenia）

密会台湾圈外富贵女子Doris

Steven仲自爆庄端儿已经是前女友

不过解释就系掩饰，越讲就越离谱

Steven事后变现得非常后悔

接连认错七次，更坦白从宽自己难以抵挡诱惑

“这是全世间男人都会犯的错”

唔知道睇到呢句话嘅你有咩感想呢？

事实上，Steven偷食已经唔系第一次

04年同傅珮嘉拍拖时，就比较贪玩

因为唔想被记者影到自己同某女友歌手密会

缩身隐藏在衣柜入面

仲急call四位猛男上门“连人带柜”搬走

佢08年同钟舒漫拍拖时

就被传出中意系网上沟女，不停撩女仔

13年仲被𡃁模孙旗爆出

与Steven One Night Stand后

就备受冷落，Steven事后自己都认左衰仔

“是怪自己，男人有需要，衰「咸」湿啰！”

Steven嘅绯闻真系一摞摞啦

相反Kenny就一直走暖男路线

比人感觉都系阳光开朗

一直都无乜女性绯闻对象

仲好落力工作，专注于大陆事业发展

就在近排，二人谈起拆伙一事

可能大家都以为

当年Kenny真系因为个人原因而离开组合

爆出当年原来好大原因系二人关系唔好

Steven表示自己那时好叛逆

不习惯突然要跟一个陌生男仔朝夕相对

所以不是好喜欢组合生活

“始终自己未试过这样跟另一个人相处，

我连在家里同细佬关系都不是这么好的时候，

我怎么去同其他人相处呢？”

而Kenny就话当时他们日日见兼住在一齐

每日至少对住18小时，相处时间还多过家人

所以容易会吵架

相处容易，同住难

两个大男人朝见口晚见面好难唔会有摩擦

甚至两人仲互相试过动粗

Kenny话：“你记唔记得嗰时我喺Salon打你块面？

其实过咗咁多年你想唔想打返我一搥？”

讲起呢D年少轻狂嘅事

两个人宜家都系笑笑口

Steven仲话当年自己只有16岁

叫左Kenny扮佢表哥，带自己办理入学手续

然后每日早上，Kenny都会收到老师嘅电话

“喂？你係张致恒表哥吗？张致恒今日又冇返学。”

直到今时今日

两个已经变左“Uncle”嘅大男孩

就连重新拍摄《跟踪你》MV

都比网友开玩笑话：已经变成「痴」汉版跟踪

一对比都可以见到两个人成熟左唔少

如今终于有一场属于自己嘅演唱会

Steven都忍唔住要多谢身边呢位咁多年嘅老友

“多谢你咁多年嚟支持我，喺我好穷时候你会借钱畀我，同多谢老板冇放弃我畀机会我，所以前嗰几日我瞒住你去做一件事。”

原来Steven为左纪念BOYZ

将「Boyz」这个名纹在胸口上

“呢个系想对自己一个警剔，因为若我伤害自己，即系伤害左我拍档，所以嚟紧日子就好似我送畀你呢首个一样《我长大了》。”

Kenny都忍唔住流眼泪

佢都专登带着当年Steven送给他的钻石耳环

虽然有时Kenny都会“嘲讽”

“细到风吹得起”

事实上佢一直都有好好保存

一份真正嘅友谊

就系经历得越多，就会越长久

特别系再一次回忆年少的自己

BOYZ就好似年轻左10岁，再次系台上跳热舞

就连当年嘅经典姿势

Steven与Kenny笑说

当年在Mani房练了五百多次

当最后BOYZ唱出《总有一站爱上你》

并初尝说︰“呢首系今晚最后一首歌”的滋味，

虽然大家都知道还有

但Kenny真情流露话

“系要有开到show先可以讲呢句㗎！”

可见二人真系非常珍惜呢个机会

最后我地再一起听听佢地嘅新歌《大男孩》

BOYZ系我地嘅心中，永远都系两个大男孩~

顺便期待一下下次系红馆演唱会

返回搜狐，查看更多